បន្ទាយមាជ័យ៖ នៅវេលាម៉ោង១០និង៣០នាទី ថ្ងៃទី០៤ ខែមីនា ឆ្នាំ២០២១ នៅចំណុចភូមិពន្លិច ឃុំសំរោង ស្រុកអូរជ្រៅ ខេត្តបន្ទាយមានជ័យ កម្លាំងការិយាល័យប្រឆាំងគ្រឿងញៀន កងរាជអាវុធហត្ថខេត្ត សហការជាមួយកម្លាំងមូលដ្ឋាន កងរាជអាវុធហត្ថស្រុកអូរជ្រៅ ដឹកនាំដោយលោក វរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្រ្កាបបទល្មើស បានបង្ក្រាបលើករណីគ្រឿងញៀនដោយបានឃាត់ខ្លួនជនសង្ស័យម្នាក់ឈ្មោះ អឿន កវី ភេទប្រុស អាយុ២៩ឆ្នាំ ព្រមទាំងដកហូតបានគ្រឿងញៀនមេតំហ្វេតាមីនទឹកកកចំនួន០៥កូនថង់កិប ទម្ងន់១១,០៤ក្រាម កាំភ្លើងខ្យល់កែច្នៃចំនួន០១ដើម កាំភ្លើង CKC គ្មានស្នាប់(ដែកសុទ្ធ)ចំនួន០១ដើម និងសម្ភារៈមួយចំនួនទៀត។
បច្ចុប្បន្ន ជនសង្ស័យត្រូវបានកម្លាំងជំនាញ កសាងសំណុំរឿងបញ្ជូនទៅអយ្យការអមសាលាដំបូងខេត្តតាមនីតិវិធី។