ព្រះវិហារៈ នៅវេលាម៉ោង១២ និង០០នាទី ថ្ងៃទី១៣ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកដាំក្សាន្ត បានធ្វើការឃាត់ខ្លួនបានជនសង្ស័យម្នាក់ ជាប់ពាក់ព័ន្ធជាមួយករណីលួច ស្ថិតនៅចំណុច ភូមិបុស្សធំ ឃុំប្រមេរ ស្រុកត្បែងមានជ័យ
ខេត្តព្រះវិហារ។

បើតាមប្រភពពត៌មានពីភ្នាក់ងារ GRK News ប្រចាំខេត្តព្រះវិហារ បានឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថធ្វើការឃាត់ខ្លួននោះរួមមានឈ្មោះៈ
០១. មួន ចយ ភេទប្រុស អាយុ២៦ឆ្នាំ រស់នៅភូមិបុស្សធំ ឃុំប្រមេរ ស្រុកត្បែងមានជ័យ
ខេត្តព្រះវិហារ។
ភ្នាក់ងារដដែលបានបន្តឱ្យដឹងទៀតថា កម្លាំងកងរាជអាវុធហត្ថបានចាប់យកវត្ថុតាង មួយចំនួនពីជនសង្ស័យរួមមានម៉ូតូចំនួន០១គ្រឿងផងដែរ។

ជនសង្ស័យនិងវត្ថុតាង ត្រូវបានបញ្ជូនទៅបញ្ជាការដ្ឋានកងរាជអាវុធហត្ថខេត្តព្រះវិហារ ដើម្បីសាកសួរពត៌មានបន្ថែម និងកសាងសំណុំរឿង ចាត់ការបន្តតាមនីតិវិធី ចំណែកម៉ូតូបានប្រគល់អោយម្ចាស់ដើមវិញ៕