រាជធានីភ្នំពេញៈ កម្លាំកងរាជអាវុធហត្ថ តែងតែយកចិត្តទុកដាក់លើកិច្ចការងារបង្ក្រាប ដើម្បីសេចក្តីសុខក្នុងការរស់នៅរបស់បងប្អូនប្រជាពលរដ្ឋ ជាក់ស្តែងនៅវេលាម៉ោង១៤ និង៣០នាទី ថ្ងៃទី១៣ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថខណ្ឌដូនពេញ បានធ្វើការឃាត់ខ្លួនបានជនសង្ស័យចំនួន០៤នាក់ ដែលជាប់ពាក់ព័ន្ធជាមួយករណីលួច និងឆក់កន្លងមក ស្ថិតនៅចំណុច ផ្លូវរថភ្លើង ភូមិ០៣ សង្កាត់ស្រះចក ខណ្ឌដូនពេញ។
បើតាមប្រភពពត៌មានពីមន្ត្រីកងរាជអាវុធហត្ថ បានឱ្យដឹងថា មុននឹងឈានទៅដល់ការឃាត់ខ្លួន ជនសង្ស័យទាំងអស់នេះ កម្លាំងកងរាជអាវុធហត្ថបានទទួលការសហការ ពីប្រជាពលរដ្ឋ ដែលតែងតែផ្តល់ព័ត៌មានដល់កម្លាំងយើង ធ្វើឲ្យកម្លាំងកងរាជអាវុធហត្ថ កំណត់មុខសញ្ញា និងតាមដានសកម្មភាព ជនសង្ស័យទាំងនោះ។

ជនសង្ស័យ ត្រូវបានបញ្ជូនទៅបញ្ជាការដ្ឋាន កងរាជអាវុធហត្ថរាជធានីភ្នំពេញ ដើម្បីសាកសួរពត៌មានបន្ថែម និងកសាងសំណុំរឿង ចាត់ការបន្តតាមនីតិវិធី។