សៀមរាបៈ វេលាម៉ោង២១ និង៣០នាទី ថ្ងៃទី១៣ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងសៀមរាប បានធ្វើការឃាត់ខ្លួន ជនសង្ស័យចំនួន០៦នាក់ ដែលជាប់ពាក់ព័ន្ធជាមួយសារធាតុញៀន ស្ថិតនៅចំណុចភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប។

បើតាមប្រភពពត៌មានពីភ្នាក់ងារ GRK News ប្រចាំខេត្តសៀមរាប បានឱ្យដឹងថា ជនសង្ស័យដែល ត្រូវកម្លាំងកងរាជអាវុធហត្ថធ្វើការឃាត់ខ្លួននោះ គឺធ្វើឡើងទៅបានដោយមានការសហការផ្តល់ដំណឹង ពីប្រជាពលរដ្ឋ ថានៅចំណុចកើតហេតុខាងលើ កំពុងតែមានយុវជនមួយក្រុមកំពុង ធ្វើការចែកចាយ សារធាតុញៀន។

ភ្នាក់ងារដដែលបានបន្តឱ្យដឹងទៀតថា កម្លាំងកងរាជអាវុធហត្ថបានចាប់យកវត្ថុតាង មួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកកចំនួន ២២កញ្ចប់ ដែលមានទម្ងន់ ៦.៥០ក្រាម
០២. ទូរស័ព្ទដៃចំនួន ០៨គ្រឿង

ជនសង្ស័យនិងវត្ថុតាង ត្រូវបានបញ្ជូនទៅការិយាល័យប្រឆាំងបទល្មើសគ្រឿងញៀន កងរាជអាវុធហត្ថខេត្តសៀមរាប ដើម្បីសាកសួរពត៌មានបន្ថែម និងកសាងសំណុំរឿង ចាត់ការបន្តតាមនីតិវិធី៕