បន្ទាយមានជ័យៈ នៅវេលាម៉ោង១៤ និង៣០នាទី ល្ងាចថ្ងៃទី១៦ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកស្វាយចេក បានចុះប្រតិបត្តិការបង្ក្រាបករណី ចែកចាយគ្រឿងញៀន០១លើក ស្ថិតនៅចំណុចមុខផ្សារ រលួស ស្ថិតក្នុងភូមិរលួស ឃុំរលួស ស្រុកស្វាយចេក
ខេត្តបន្ទាយមានជ័យ ដោយធ្វើការឃាត់ខ្លួនជនសង្ស័យបានចំនួន២នាក់ ហើយបានធ្វើការចាប់យកវត្ថុតាងមួយចំនួនរួមមានៈ

០១. ថ្នាំញៀនប្រភេទមេតំហ្វេតាមីនទឹកកក ចំនួន០៣កញ្ចប់ ស្មើ៩.៩២ក្រាម
០២. ថ្នាំគ្រាប់ពណ៌ផ្កាឈូកចំនួន០៤គ្រាប់
០៣. ទូរស័ព្ទដៃ ចំនួន០៣គ្រឿង
០៤. ខ្សែកលោហធាតុពណ៌លឿងប្រវែង៤១សង់ទីម៉ែត្រចំនួន១ខ្សែ។

ក្រោយពីឃាត់ខ្លួនហើយជនសង្ស័យទាំង២នាក់នេះ កម្លាំងអាវុធហត្ថក៏បានបញ្ជូនមកបញ្ជាការដ្ឋាន កងរាជអាវុធហត្ថខេត្ត ដើម្បីធ្វើការសាកសួរ។ បន្ទាប់ពីធ្វើការសាកសួររួចមក មន្ត្រីកងរាជអាវុធហត្ថ ក៏បានឲ្យដឹងថា ជនសង្ស័យទាំង០២នាក់នោះមានឈ្មោះៈ
១. ហេងដាំ ភេទស្រី អាយុ២៣ឆ្នាំ រស់នៅភូមិគោកខ្វាវ ឃុំស្វាយចេក ស្រុកស្វាយចេក ខេត្តបន្ទាយមានជ័យ
២. យ៉ុន វីណូ ភេទប្រុស អាយុ២៦ឆ្នាំ រស់នៅភូមិគោកខ្វាវ ឃុំស្វាយចេក ស្រុកស្វាយចេក ខេត្តបន្ទាយមានជ័យ។

មន្ត្រីដដែលបានបញ្ជាក់ឱ្យដឹងទៀតថា ក្រោយពីអាវុធហត្ថសាកសួរចម្លើយរួចមកជនសង្ស័យទាំង០២នាក់ បានឆ្លើយសារភាពថា ពួកគេបានទិញគ្រឿងញៀននេះ ដើម្បីយកមកលក់ចែកចាយឲ្យមិត្តភ័ក្រ្ត នៅតាមភូមិជក់បន្តពិតប្រាកដមែន។

ជនសង្ស័យ និងវត្ថុតាងត្រូវកម្លាំងកងរាជអាវុធហត្ថខេត្តកំពុង កសាងសំណុំរឿងបញ្ជូន ទៅតុលាការ ដើម្បីចាត់ការបន្តតាមនីតិវិធី។