បន្ទាយមានជ័យ៖ ថ្ងៃទី១៥ ខែមេសា ឆ្នាំ២០២១ នៅចំណុចភូមិតាម៉ៅ ឃុំសឿ ស្រុកមង្គលបូរី ខេត្តបន្ទាយមានជ័យ កម្លាំងមូលដ្ឋានកងរាជអាវុធហត្ថ ស្រុកមង្គលបូរី ដឹកនាំដោយលោក អនុសេនីយ៍ឯក ចាន់ រដ្ឋា មេបញ្ជាការ មូលដ្ឋានកងរាជអាវុធហត្ថស្រុក បានចុះបង្ក្រាបករណីប្រើប្រាស់គ្រឿងញៀន ឃាត់ខ្លួនជនសង្ស័យចំនួន២នាក់ ព្រមទាំងចាប់យកវត្ថុតាងម្សៅក្រាមពណ៌សថ្លាចំនួន២កូនថង់កិប ទម្ងន់១៣,៩១ក្រាម, ម៉ូតូ១គ្រឿង ម៉ាកហុងដាឃ្លិច ផលិតឆ្នាំ២០០៥ ពណ៌ក្រហម ពាក់ស្លាកលេខ បាត់ដំបង 1Q-7206 និងសម្ភារ:មួយចំនួនទៀត។ ជនសង្ស័យទាំង២នាក់ ១-ឈ្មោះ ហេង សុភាព ហៅ អូ ភេទប្រុស អាយុ២៨ឆ្នាំ បច្ចុប្បន្ន រស់នៅភូមិតាង៉ែន ឃុំតាក្រៀម ស្រុកបាណន់ ខេត្តបាត់ដំបង ២-ឈ្មោះ យ៉ាន សុខហួរ ភេទស្រី អាយុ១៨ឆ្នាំ បច្ចុប្បន្ន រស់នៅភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង ។ ជនសង្ស័យខាងលើត្រូវបានកម្លាំងជំនាញការិយាល័យប្រឆាំងគ្រឿងញៀន កងរាជអាវុធហត្ថខេត្តកសាងសំណុំរឿងបញ្ជូនទៅសាលាដំបូងខេត្ត។
