កោះកុង៖ ថ្ងៃទី២០ ខែមេសា ឆ្នាំ២០២១ កម្លាំងកងរាជអាវុធហត្ថខេត្តកោះកុង សហការជាមួយកម្លាំងមូលដ្ឋានកងរាជអាវុធហត្ថស្រុកមណ្ឌលសីមា ដឹកនាំដោយលោកវរសេនីយ៍ទោ នួន វុត្ថា មេបញ្ជាការរង កងរាជអាវុធហត្ថខេត្តកោះកុង បានឃាត់ខ្លួនជនសង្ស័យចំនួន៣នាក់ ពីករណីជួញដូរនិងប្រើប្រាស់ដោយខុសច្បាប់នូវសារធាតុញៀនស្ថិតនៅភូមិបាក់ខ្លង ស្រុកមណ្ឌលសីមា ខេត្តកោះកុង។

១- ទុំ ប៊ុនធឿន ភេទប្រុស អាយុ ៤១ឆ្នាំ ជនជាតិខ្មែរ មុខរបរនេសាទ

២- ឈ្មោះ សុខ ខឿន ភេទស្រី អាយុ៤៥ឆ្នាំ ជនជាតិខ្មែរ មុខរបរមិនពិតប្រាកដ

៣- ឈ្មោះ ជឹម កៃ ភេទប្រុស អាយុ៣៤ឆ្នាំ ជនជាតិខ្មែរ មុខរបរនេសាទ។

ចាប់យកវត្ថុតាងរួមមានម្សៅក្រាមពណ៌ស ចំនួន១កញ្ចប់ ទំងន់ស្មើនឹង(១៣.៥១ ក្រាម), ដែកឆាបចំនួន១ដើម, ទូសព្ទដៃចំនួន៥គ្រឿង ឧបករណ៍សម្រាប់ជក់គ្រឿងញៀនមួយចំនួន និងអត្តសញ្ញាណប័ណ្ណសញ្ជាតិខ្មែរ១សន្លឹក។

បច្ចុប្បនជនសង្ស័យរួមនឹងវត្ថុតាងត្រូវបានកម្លាំងជំនាញកងរាជអាវុធហត្ថខេត្តកសាងសំណុំរឿងចាត់ការបន្តតាមនីតិវិធី។