កំពង់ស្ពឺ៖ នៅថ្ងៃទី២១ ខែមេសា ឆ្នាំ២០២១ នៅចំណុចផ្ទះសំណាក់ មុំហេង ហេង ស្ថិតក្នុងភូមិទី៤ ឃុំត្រែងត្រយឹង ស្រុកភ្នំស្រួច កម្លាំងមូលដ្ឋានកងរាជអាវុធហត្ថស្រុកភ្នំស្រួច ដឹកនាំដោយលោកវរសេនីយ៍ត្រី យស ឌីណា មេបញ្ជាការ បានឃាត់ខ្លួនជនសង្ស័យចំនួនម្នាក់ មានឈ្មោះ តិ ខេម ភេទប្រុស អាយុ៣៧ឆ្នាំ មុខរបរមិនពិតប្រាកដ មានទីលំនៅ ភូមិត្រពាំងមាន់ ឃុំព្នាយ ស្រុកសំរោងទង ខេត្តកំពង់ស្ពឺ ករណីជួញដូរ ដោយខុសច្បាប់នូវសារធាតុញៀន។ វត្ថុតាងចាប់យករួមមាន ម្សៅក្រាមពណ៌ស ចំនួន៩កញ្ចប់ ស្មើនិង ៨.៤០g , ម៉ូតូ១គ្រឿង ម៉ាក HONDA MSX ពណ៌ខ្មៅ គ្មានស្លាកលេខ, ថង់ច្រកថ្នាំចំនួន២ដុំ, ដបជក់ចំនួន១, ដែកកេសចំនួន២, កន្ត្រៃចំនួន១ និងទូរសព្ទចំនួន១។

បច្ចុប្បន្ន ជនសង្ស័យ និងវត្ថុតាងបានបញ្ជូនទៅកាន់បញ្ជាការដ្ឋានកងរាជអាវុធហត្ថខេត្ត ដើម្បីបន្តនីតិវិធី៕