ត្បូងឃ្មុំ៖ ព្រឹកថ្ងៃព្រហស្បតិ៍ទី២២ ខែមេសា ឆ្នាំ២០២១ នៅតំបន់ប្រវត្តិសាស្ត្រX១៦ ដែលស្ថិតនៅភូមិចង្គំទី១ ឃុំទន្លូង ស្រុកមេមត់ ខេត្តត្បូងឃ្មុំ លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានក្រុមការងាររៀបចំពិធីរំលឹកខួបលើកទី៤៣ នៃទិវាចងចាំដំណើរឆ្ពោះទៅផ្តួលរំលំរបបប្រល័យពូជសាសន៍ប៉ុលពត និងប្រតិភូ បានអញ្ជើញចុះត្រួតពិនិត្យសំណង់វេទិកា សាលាសំណាក់ ស្រះទឹក បន្ទប់អនាម័យ ទីលានបាល់ទាត់ និងរណ្តៅដីសម្រាប់ដាំកូនឈើទាល។ អញ្ជើញចូលរួម មានឯកឧត្តម ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ និងប្រតិភូ មេបញ្ជាការកងរាជអាវុធហត្ថខេត្តត្បូងឃ្មុំ មេបញ្ជាការកងរាជអាវុធហត្ថខេត្តក្រចេះ និងមេបញ្ជាការកងរាជអាវុធហត្ថខេត្តព្រៃវែង។