ព្រះសីហនុ៖ រសៀលថ្ងៃទី២៤ ខែមេសា ឆ្នាំ២០២១ លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានអញ្ជើញចុះសួរសុខទុក្ខ កម្លាំងអាវុធហត្ថស្នាក់ការសន្តិសុខ៤០២ ដែលឈរជើងប្រចាំការគោលដៅចត្តាឡីស័ក នៅចំណុចចន្លោះគីឡូម៉ែត្រលេខ: ១៤៤-១៤៥ ព្រំប្រទល់ខេត្តព្រះសីហនុ និងខេត្តកោះកុងស្ថិតក្នង ភូមិចំការហ្លួង ឃុំចំការហ្លួង ស្រុកកំពង់សីលា ខេត្តព្រះសីហនុ និងនាំយកនូវអំណោយជាគ្រឿងឧបភោគ បរិភោគថវិកាព្រមទាំងសម្ភារៈប្រើប្រាស់មួយចំនួនរួមមានៈ អង្ករចំនួន ៣០បេតូច ស្មើនឹង ៣០០គីឡូក្រាម, ទឹកបរិសុទ្ធចំនួន៥០កេស, មីចំនួន ០២កេសធំ, ត្រីខចំនួន ០១កេស, មេក្រូបំពងសម្លេងចំនួន០១, ស្រោមដៃចំនួន ១៥គូរ, ដបបាញ់ទឹកអាកុលចំនួន ០២, វ៉ែនតាចំនួន ១២, ម៉ាស់ចំនួន ៣,០០០ និងថវិកាចំនួន ២.០០០.០០០រៀល ប្រគល់ជូនដល់កម្លាំងគណៈបញ្ជាការឯកភាពរដ្ឋបាលស្រុក សម្រាប់យកទៅចាត់ចែងដោះស្រាយ និងប្រើប្រាស់តាមតម្រូវការចំពោះមុខ។