ភ្នំពេញ៖ រសៀលថ្ងៃសុក្រ ទី៣០ ខែមេសា ឆ្នាំ២០២១ នៅគោដៅផ្លូវជាតិលេខ៥, ផ្លូវជាតិលេខ៦, ផ្លូវជាតិលេខ១, ស្ពានអ្នកតាវាំង, រង្វង់មូលព្រះនរាយណ៍ និងផ្លូវ ៦០ម៉ែត្រ លោក ឧត្តមសេនីយ៍ឯក ម៉ន សាម៉ុន មេបញ្ជាការរង តំណាងលោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងជាសមាជិកគណៈកម្មការជាតិគ្រប់គ្រង និងដឹកនាំការអនុវត្តវិធានការបិទខ្ទប់ (គ.ប.ខ) បានអញ្ជើញចុះត្រួតពិនិត្យ និងណែនាំដល់កម្លាំងកងរាជអាវុធហត្ថលើផ្ទៃប្រទេស ដែលឈរជើងតាមគោលដៅ ក្នុងឱកាសនោះ លោក ឧត្តមសេនីយ៍មេបញ្ជាការរង បាននាំយកនូវទឹកក្រូចចំនួន ៥កេស ទឹកផ្លែឈើចំនួន ៥កេស និងទិកបរិសុទ្ធចំនួន ១០កេស ចែកជូនតាមគោលដៅនីមួយៗផងដែរ។