នៅវេលាម៉ោង ១៦ និង ៣០នាទីរសៀលថ្ងៃទី០១ ខែឧសភា ឆ្នាំ ២០២១ ការិយាល័យប្រឆាំងគ្រឿងញៀន សហការជាមួយកម្លាំងមូលដ្ឋាន កងរាជអាវុធហត្ថស្រុកសំរោង ដឹកនាំដោយ លោក អនុសេនីយ៍ទោ ហួត វឿន នាយការិយាល័យប្រឆាំងគ្រឿងញៀន និងដោយមានការសម្របសម្រួលនិតិវធីពីព្រះរាជអាជ្ញាអមសាលាដំបូងខេត្តតាកែវ កម្លាំងបានចុះបង្រ្កាបករណីគ្រឿងញៀន នៅចំណុចភូមិបឹង ឃុំជំរះពេន ស្រុកសំរោង ខេត្តតាកែវ ដោយបានឃាត់ខ្លួនជនសង្ស័យបាន០១នាក់ ឈ្មោះ តេង សុងហេង (ហៅឡុង) ភេទប្រុស អាយុ ៣១ឆ្នាំ មុខរបរមិនពិតប្រាកដ រស់នៅភូមិបឹង ឃុំជំរះពេន ស្រុកសំរោង ខេត្តតាកែវ។
កម្លាំងបានចាប់យកវត្ថុតាងម្សៅក្រាមសថ្លាចំនួន០៧កញ្ចប់, ទូរស័ព្ទចំនួន០២គ្រឿង, សម្ភារៈសេពថ្នាំញៀមួយចំនួន។
បច្ចុប្បន្នជនសង្ស័យរួម នឹងវត្ថុតាងការិយាល័យជំនាញប្រឆាំងគ្រឿងញៀន បានកសាងសំណុំរឿងបញ្ជូនទៅអយ្យការអមសាលាដំបូងខេត្តដើម្បីបន្តនីតិវិធី។