អហ ភ្នំពេញ៖ នៅវេលាម៉ោង០០និង១០នាទី ថ្ងៃទី២៥ ខែសីហា ឆ្នាំ២០១៥ នៅចំណុចក្លឹបហាត់ប្រាណភ្នំពេញស្ពត ផ្លូវ២៧១ សង្កាត់ទួលទំពូង២ ខណ្ឌចំកាមន មានករណីចោរកម្ម១ករណី បង្កឡើងដោយជនសង្ស័យម្នាក់ឈ្មោះ ប្រាក់ និស្ស័យ ភេទប្រុស អាយុ២៧ឆ្នាំ មុខរបរនិង​ស្នាក់នៅមិន​ពិតប្រាកដ ដោយជននេះទើបនិងចេញពីពន្ឋនាគារថ្មីៗនេះ។ រឿងហេតុ: មុនពេលកើតហេតុសន្តិសុខក្លឹប​បានរាយការណ៏​មក​កងរាជអាវុធហត្ថ​ខណ្ឌថា មានជនសង្ស័យលួចផ្លោះរបងចូលក្នុងក្លឹបបំណងលួចសម្ភារៈភ្ញៀវ ទើបកម្លាំងអាវុធហត្ថទៅអន្តរាគមន៏និងស្វែងរក ឃើញជននេះកំពុង​លាក់ខ្លួន​ក្នុងក្លឹប ទើបកម្លាំងអាវុធហត្ថឃាត់ខ្លួនតែម្តង។