ស្វាយរៀងៈ ជនសង្ស័យចំនួន០៥នាក់ ត្រូវកម្លាំងមូលដ្ឋានកងរាជអាវុធហត្ថក្រុងបាវិត បានធ្វើការឃាត់់ខ្លួន នៅវេលាម៉ោង២២ និង៣០នាទីយប់ ថ្ងៃទី២៣ ខែសីហា ឆ្នាំ២០១៦ ពាក់ព័ន្ធករណី រក្សាទុក និងចែកចាយនូវសារធាតុញៀន ស្ថិតនៅចំណុចភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។

ក្រោយពីធ្វើការឃាត់ខ្លួនហើយ ជនសង្ស័យទាំង០៥នាក់នេះ ត្រូវបានកម្លាំងអាវុធហត្ថ បញ្ជូនទៅកាន់មូលដ្ឋានកងរាជអាវុធហត្ថក្រុងបាវិត ដើម្បីធ្វើការសាកសួរ។

បន្ទាប់ពីធ្វើការសាកសួររួចមក មន្ត្រីកងរាជអាវុធហត្ថខេត្តស្វាយរៀង ក៏បានប្រាប់ភ្នាក់ងារ GRK News ឲ្យដឹងថា ជនសង្ស័យទាំង០៥នាក់នោះ មានឈ្មោះៈ
០១. វ៉ែន ម៉េងលី ភេទប្រុស អាយុ២៥ឆ្នាំ មុខរបរកាត់ដេរសំលៀកបំពាក់ ទីលំនៅភូមិ តា
បិប សង្កាត់បាវិត ក្រុងបាវិត ខេត្តស្វាយរៀង
០២. គីម ប្រុស ភេទប្រុស អាយុ២៨ឆ្នាំ មានមុខរបរមិនពិតប្រាកដ ទីលំនៅភូមិតាបិប សង្កាត់បាវិត កនរុងបាវិត ខេត្តស្វាយរៀង
០៣. មាស ភារុន ភេទប្រុស អាយុ៣៣ឆ្នាំ មុខរបរមិនពិតប្រាកដ ទីលំនៅភូមិតាបិប សង្កាត់
បាវិត ក្រុងបាវិត ខេត្តស្វាយរៀង
០៤. អ៊ុំ សុភា ភេទស្រី អាយុ៣៣ឆ្នាំ មុខរបរ សិកម្មផ្សាដែក មានទីលំនៅភូមិតាបិប សង្កាត់បាវិត ក្រុងបាវិត ខេត្តស្វាយរៀង
០៥. គៀវ វីងជីង ភេទប្រុស អាយុ៣៨ឆ្នាំ ជនជាតិវៀតណាម មានទីលំនៅ ភូមិថានសឺង ឃុំថាន់ដែង ស្រុកចូវថាន់ ខេត្តតៃនិញ ប្រទេសវៀតណាម។

មន្ត្រីដដែលបានបន្តទៀតថា កម្លាំងកងរាជអាវុធហត្ថបានធ្វើការចាប់យកវត្ថុតាងមួយចំនួនពី ជនសង្ស័យរួមមានៈ
០១. ថ្នាំញៀនប្រភេទម៉ាទឹកកចំនួន ០៦កញ្ចប់
០២. ទូរស័ព្ទចំនួន ០៦គ្រឿង
០៣. ម៉ូតូចំនួន ០២គ្រឿង
០៤. ប្រាក់ដុល្លាចំនួន៦៤៥ដុល្លា និងសម្ភារៈសម្រាប់សេពមួយចំនួន។

ជនសង្ស័យត្រូវបានកម្លាំងកងរាជអាវុធហត្ថខេត្តស្វាយរៀង កំពុងសាកសួរពត៌មានបន្ថែម ដើម្បីកសាង សំណុំរឿង បញ្ចូនបន្តតាមនីតិវិធី។