អហ កំពង់ចាម៖ នៅវេលាម៉ោង០០និង៣០នាទីឈានចូលថ្ងៃទី២៥ ខែសីហា ឆ្នាំ២០១៥ នៅផ្ទះស្ថិតនៅភូមិអន្លង់អកលិច ឃុំសូរគង ស្រុកកងមាស ខេត្តកំពង់ចាម មានអំពីលួចដោយស្ថានទម្ងន់ទោសមួយកើតឡើង ជនសង្ស័យម្នាក់បានធ្វើសកម្មភាពយកកាំបិតកៃចាក់ទៅលើជនរងគ្រោះឈ្មោះធួន ស៊ីណាន់ ភេទស្រី អាយុ២៩ឆ្នាំ បណ្តាលឲ្យរងរបួសខ្នងជាទម្ងន់ ហើយជនសង្ស័យបានចាក់សោរទូរក្នុងបន្ទប់ យកខ្សែកមាស៥ជីមួយខ្សែនិងខ្សែដៃមាស៣ជីមួយខ្សែ បន្ទាប់មកជនសង្ស័យយកគេចខ្លួនបាត់។ រហូតដល់ម៉ោង១៤និង៣០នាទី ថ្ងៃខែដដែល នៅចំណុចគល់ស្ពានគីហ្សូណាស្ថិតនៅភូមិទី៤ សង្កាត់វាលវង់ ក្រុងកំពង់ចាម កម្លាំងអាវុធហត្ថចាប់បានជនសង្ស័យឈ្មោះ សេក សាក់ ហៅពេជ្រ ភេទប្រុស អាយុ២៧ឆ្នាំ មុខរបរមិនពិតប្រាកដ មានទីលំនៅរស់នៅភូមិស្រែក្រៀក ឃុំដំរីផុង ស្រុកឆ្លូង ខេត្តក្រចេះ ត្រូវជាពូសាច់ថ្លៃរបស់ជនរងគ្រោះ។
