អហ ភ្នំពេញ៖ នៅវេលាម៉ោង១៤និង៥៥នាទី ថ្ងៃទី២៥ ខែសីហា ឆ្នាំ២០១៥ នៅចំណុចចំណតរថយន្តផ្សារអ៊ីអន ផ្លូវសុធារស សង្កាត់ទន្លេបាសាក់ ខណ្ឌចំកាមន មានការគាស់ទ្វារថយន្តយកទ្រព្យសម្បត្តិ បង្កឡើងដោយជនសង្ស័យម្នាក់ឈ្មោះ វ៉ាន់ ប្រុស ភេទប្រុស អាយុ៤៦ឆ្នាំ ជាអ្នកបើកបររថយន្តអោយឧកញ៉ា ស្នាក់នៅផ្ទះលេខ២១ ផ្លូវ៣៦៩ ក្រុម១ សង្កាត់ព្រែកប្រា ខណ្ឌច្បារអំពៅ ចាប់យករថយន្ត ០១គ្រឿង ម៉ាក wolvagen ព៌ណខ្មៅ គ្មានស្លាកលេខ កាំភ្លើងខ្លី១ដើមម៉ាក QSZ92-9 លេខ០០៧៧៤០ គ្រាប់១៥ ទូរសព្ទ័ដៃ២គ្រឿង ចំណែកឯ ទ្រព្យសម្បត្តិរបស់រងគ្រោះមានលុយចំនួន២៥.៨២០បាត និងទូរសព្ទ័iPhone 5s ០១គ្រឿង បានចាប់យកពីជនសង្ស័យរួចបានប្រគល់ទៅឱ្យជនរងគ្រោះវិញ។ ជនរងគ្រោះឈ្មោះ លឿង កំហាក់ ភេទប្រុស អាយុ២៦ឆ្នាំ មុខរបរលក់ដូរ ស្នាក់នៅផ្ទះលេខ៧០ ភូមិ២០ឧសភា ឃុំស្វាយប៉ោ ក្រុងបាត់ដំបង ខេត្តបាត់ដំបង ជិះរថយន្តម៉ាក Toyota Camry សេរី២០០៣ ពណ៌មាស ស្លាកលេខ 2A-6368 បាត់ដំបង ខូចសោទ្វាមុខខាងឆ្វេង។ រឿងហេតុ: មុនពេលកើតហេតុជនសង្ស័យបានជូនមកផ្សារអ៊ីអន បន្ទាប់មកជនសង្ស័យក៏ដើរមើលរថយន្តណាដែលមានទុកទ្រព្យសម្បត្តិក្នុងរថយន្ត រួចធ្វើសកម្មភាពគាស់សោរយកទ្រព្យសម្បត្តិ បន្ទាប់មកដើរទៅអង្គុយក្នុងឡានរបស់ខ្លួនវិញ តែដោយសន្តិសុខមើលឃើញពីសកម្មភាពរបស់ជនសង្ស័យ ទើបសន្តិសុខផ្សារបានរាយការណ៌មកអាវុធហត្ថខណ្ឌចុះឃាត់ខ្លួនជនសង្ស័យនិងចាប់យកវត្ថុតាងតែម្តង។
