ភ្នំពេញ៖ ថ្ងៃទី១៤ ខែមិថុនា ឆ្នាំ២០២១ នៅបញ្ជាការដ្ឋានកងរាជអាវុធហត្ថលើផ្ទៃប្រទេស ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជួបពិភាក្សាជាមួយឯកឧត្តម ឧត្តមសេនីយ៍ឯក ខៀវ ឆេន ទីប្រឹក្សា និងជានាយកខុទ្ទកាល័យសម្តេចពិជ័យសេនា ទៀ បាញ់ ស្តីពីការរៀបចំខួបលើកទី៤៤ នៃទិវាចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧ នៅតំបន់ប្រវត្តិសាស្ត្រយោធាតេជោ X16 កោះថ្ម។