សៀមរាបៈ នៅវេលាម៉ោង១៣ និង០០នាទី រសៀល ថ្ងៃទី២៩ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងសៀមរាប បានធ្វើការឃាត់ខ្លួនជនសង្ស័យចំនួន០៦នាក់ ជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន ស្ថិតនៅចំណុច ភូមិស្វាយដង្គំ សង្កាត់ស្វាយដង្គំ ក្រុងសៀមរាប។

បើតាមប្រភពពត៌មានពីលោកវរសេនីយ៍ទោ ថា ដាលុច មន្ត្រីកងរាជអាវុធហត្ថក្រុងសៀមរាប បានប្រាប់ភ្នាក់ងារ GRK News ឱ្យដឹងថា ការឃាត់ខ្លួនជនសង្ស័យនេះ គឺធ្វើឡើងទៅបានដោយមានការផ្តល់ដំណឹងពីប្រជាពលរដ្ឋ និងមានការសហការ ជាមួយកម្លាំងការិយាល័យគ្រឿងញៀន កងរាជអាវុធហត្ថខេត្តសៀមរាប បានចុះឆែកឆេរផ្ទះនៅចំណុចកើតហេតុខាងលើ ហើយបានការអនុញ្ញាតិពី លោកព្រះរាជអាជ្ញាររង អមអយ្យការសាលាដំបូងខេត្តសៀមរាប។

មន្ត្រីដដែលបានបញ្ជាក់បន្តឱ្យដឹងថាទៀតថា កម្លាំងកងរាជអាវុធហត្ថបានធ្វើការចាប់យកវត្ថុតាង មួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកកចំនួន០៩កញ្ចប់
០២. ជញ្ជីង ចំនួន០១គ្រឿង
០៣. ទូរស័ព្ទ ចំនួន០៤គ្រឿង។

ជនសង្ស័យ និវត្ថុតាង ត្រូវបានកម្លាំងកងរាជអាវុធហត្ថក្រុងសៀមរាប កំពុងកសាងសំណុំរឿង បញ្ចូនបន្តតាមនីតិវិធី។