ព្រះសីហនុៈ នៅវេលាម៉ោង១៥ និង០០នាទី រសៀលថ្ងៃទី៣០ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងព្រះសីហនុ បានធ្វើការឃាត់ខ្លួនបុរសម្នាក់ សង្ស័យជាប់ពាក់ព័ន្ធជាមួយករណីលួច (ខ្សែរ ក) ស្ថិតនៅចំណុចក្រុម០១ ភូមិ០៣ សង្កាត់០១ ក្រុងព្រះសីហនុ ខេត្តព្រះសីហនុ ។

បើតាមប្រភពពត៌មានពី ភ្នាក់ងារ GRK News ឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថក្រុងព្រះសីហនុ ធ្វើការឃាត់ខ្លួននេះមានឈ្មោះ ពឿន ឆៃ ភេទប្រុស អាយុ២២ឆ្នាំ មុខរបរកម្មករសំណង់ មានទីលំនៅក្រុម១៤ ភូមិ០៤ សង្កាត់០៤ ក្រុង ព្រះសីហនុ។

ភ្នាក់ងារដដែលបានបញ្ជាក់បន្តឱ្យដឹងថាទៀតថា នៅមុខមន្ត្រីកងរាជអាវុធហត្ថ ជនសង្ស័យនេះ បានឆ្លើយសារភាពថា រូបគេពិតជាបានធ្វើដូចជាការចោទប្រកាន់ពិតប្រាកដមែន។
បច្ចុប្បន្ន កម្លាំងកងរាជអាវុធហត្ថក្រុងព្រះសីហនុ កំពុងសាកសួរពត៌មានបន្ថែម អំពីការលួចនេះ ដើម្បីកសាងសំណុំរឿង បញ្ចូនបន្តតាមនីតិវិធី។