កំពត៖ នៅវេលាម៉ោង ១៤ និង ១០នាទី ថ្ងៃទី២៤ ខែមិថុនា ឆ្នាំ២០២១ កម្លាំងអាវុធហត្ថខេត្តកំពត ដឹកនាំដោយលោក វរសេនីយ៍ត្រី ជា សុដានី ប្រធានមន្ទីរស្រាវជ្រាវព័ត៌មានសន្តិសុខ នឹងដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពត កម្លាំងបានចុះឃាត់ខ្លួនជនសង្ស័យឈ្មោះ យុក សារ៉ាវុធ ភេទប្រុស អាយុ ៣៩ ឆ្នាំ មុខរបរអាជីវក រស់នៅភូមិកពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត ពាក់ព័ន្ធករណីរំលោភលើដីការរក្សាការពារដែលបានប្រព្រិត្តនៅចំណុចភូមិស្រែលាវ ឃុំត្រពាំភ្លាំង ស្រុកឈូកខេត្តកំពត។
បច្ចុប្បន្នជនសង្ស័យត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿងតាមនីតិវិធី៕