តាកែវ៖ ថ្ងៃទី២៧ ខែមិថុនា ឆ្នាំ២០២១ កម្លាំងមូលដ្ឋានកងរាជអាវុធហត្ថស្រុកគិរីវង់ ដឹកនាំដោយលោកអនុសេនីយ៍ឯក អុល សំអឿន បានចុះរុករកការដាំកញ្ឆាខុសច្បាប់នៅចំណុចជួរភ្នំទទឹងក្នុងភូមិសាស្ត្រ ឃុំគិរីចុងកោះ ស្រុកគិរីវង់ ខេត្តតាកែវ។ បានរុករកឃើញទីតាំងចំនួន១ទីតាំង (ផ្ទៃដីចំនួន១៨៥ម៉ែត្រការ៉េ) មានកញ្ឆាស្រស់ចំនួន៣២០ដើម ឃាត់ខ្លួនជនសង្ស័យ១នាក់ ឈ្មោះ លា បុល ភេទប្រុស អាយុ៣៥ឆ្នាំ រស់នៅភូមិចេក ឃុំគិរីចុងកោះ ស្រុកគិរីវង់ ខេត្តតាកែវ។ ជនសង្ស័យត្រូវបានការិយាល័យប្រឆាំងគ្រឿងញៀនខេត្តតាកែវកសាងសំណុំរឿងដើម្បីចាត់ការបន្តតាមនីតិវិធី។