អហ បន្ទាយមានជ័យ៖ នៅវេលាម៉ោង១៥និង០០នាទី ថ្ងៃទី២៥ ខែសីហា ឆ្នាំ២០១៥ កម្លាំងក្រុងប៉ោយប៉ែតបានឃាត់ខ្លួនជនសង្សយ័ចំនួន ០១នាក់ ឈ្មោះ អ៊ូ អៀម ភេទប្រុស អាយុ៤១ឆ្នាំ មុខរបរកម្មករ រស់នៅបណ្តោះអាសន្នភូមិប៉ោយប៉ែត សង្កាត់/ក្រុងប៉ោយប៉ែត ខេត្តបន្ទាយមានជ័យ ពីបទប៉ុនប៉នរំលោភសេពសន្ថវៈ ប្រព្រឹត្តកាលពីវេលាម៉ោង១៩និង៣០នាទី ថ្ងៃទី២៤ ខែសីហា ឆ្នាំ២០១៥ នៅចំណុចភូមិប៉ោយប៉ែត សង្កាត់/ក្រុងប៉ោយប៉ែត ខេត្តបន្ទាយមានជ័យ។ជនរងគ្រោះឈ្មោះ ឆេង ចាន់រ៉ាទី ហៅស្រីកា ភេទស្រី អាយុ២៦ឆ្នាំ មានទីលំនៅភូមិប៉ោយប៉ែត សង្កាត់/ក្រុងប៉ោយប៉ែត ខេត្តបន្ទាយមានជ័យ។ ដំណើរហេតុ៖ នៅវេលាម៉ោង១៩និង៣០នាទី ថ្ងៃទី២៤ ខែសីហា ឆ្នាំ២០១៥ ជនរងគ្រោះជាមួយប្អូនថ្លៃប្រុសបានដើរពីផ្សារមង្គលទៅផ្ទះ ហើយប្អូនថ្លៃដើរទៅមុនចំងាយប្រហែល៥ម៉ែត្រ។ ពេលដើរដល់កន្លែងកើតហេតុជាកន្លែងស្ងាត់បានជួបជនសង្ស័យ ពេលនោះជនសង្ស័យបានចាប់ដៃជនរងគ្រោះហើយថើបឈ្មុះឈ្មុលលើមុខជនរងគ្រោះរួចហើយផ្ដួលជនរងគ្រោះទៅនឹងដី បន្ទាប់មកប្អូនប្រុសជនរងគ្រោះបានស្ទុះមកជួយទាន់តែត្រូវបានជនសង្ស័យដេញវាយប្អូនប្រុសនោះវិញបន្ទាប់មកជនសង្ស័យចូលមកចាប់ជនរងគ្រោះម្តងទៀត តែជនរងគ្រោះរើបម្រាស់រត់ដល់ទីកន្លែងដែលមានភ្លើងភ្លឺទើបជនសង្ស័យបញ្ឈប់សកម្មភាព។
