ភ្នំពេញៈ នៅវេលាម៉ោង១២ និង១០ ថ្ងៃទី៣១ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថខណ្ឌពោធី៍សែនជ័យ បានធ្វើការឃាត់ខ្លួនជនសង្ស័យចំនួន០៧នាក់ ជាប់ពាក់ព័ន្ធជាមួយសារធាតុញៀន ស្ថិតនៅចំណុចបន្ទប់ជួល ភូមិត្រពាំងរំចេក សង្កាត់ចោមចៅ ខណ្ឌពោធិ៏សែនជ័យ រាជធានីភ្នំពេញ។

បើតាមប្រភពពត៌មានពីភ្នាក់ងារ GRK News បានឱ្យដឹងថា ជនសង្ស័យដែលត្រូវកម្លាំង កងរាជអាវុធហត្ថធ្វើការឃាត់ខ្លួននោះរួមមានឈ្មោះៈ
០១. ហង្ស សាទ ភេទប្រុស អាយុ៣២ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ
០២. សុខ ឈាន ភេទប្រុស អាយុ៣០ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ
០៣. ច្រឹង ម៉ៅ ភេទប្រុស អាយុ៣២ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ
០៤. អៀប រស្មី ភេទប្រុស អាយុ២០ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ
០៥. មាស ដាវុធ ភេទប្រុស អាយុ២០ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ
០៦. ទឹង សម្ជស្ស ភេទស្រី អាយុ២១ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ
០៧. វឹន ស្រី ភេទស្រី អាយុ២២ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ។

បន្ទាប់ពីធ្វើការឃាត់ខ្លួនជនសង្ស័យទាំងនោះរួចមក កម្លាំងកងរាជអាវុធហត្ថបានបញ្ជូនជនសង្ស័យទៅ បញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីធ្វើការសាកសួរ។ បន្ទាប់ពីធ្វើការសាកសួររួចមក ជនសង្ស័យក៏បានសារភាពថា ខ្លួននៅសល់បក្ខពួកចំនួន០៤នាក់បន្ថែមទៀត ដែលរស់នៅផ្ទះលេខ៧៨ ផ្លូវរថភ្លើង សង្កាត់បឹងកក់២ ខណ្ឌទួលគោក រាជធានីភ្នំពេញ។ បន្ទាប់ពីទទួលបានចម្លើយសារភាពរួចមក កម្លាំងក៏បានចុះទៅឃាត់ខ្លួនជនសង្ស័យទាំង០៤នាក់នោះភ្លាមៗ។ ភ្នាក់ងារបន្តអោយដឹងទៀតថា ជនសង្ស័យដែលត្រូវឃាត់ខ្លួននោះមានឈ្មោះៈ
០១. ញេប មករា ភេទប្រុស អាយុ២៩ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ
០២. ដង សុភាព ភេទប្រុស អាយុ៣៧ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ
០៣. ភី ឈុនលី ភេទប្រុស អាយុ២៧ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ
០៤. វណ្ណ គីរក្ស ភេទប្រុស អាយុ១៩ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅមិនពិតប្រាកដ។

ភ្នាក់ងារដដែល បានបន្តឱ្យដឹងថាទៀតថា ការឃាត់ខ្លួនជនសង្ស័យនេះ គឺធ្វើឡើងទៅបានដោយមានការសហការដ៏ល្អ ពីបងប្អូនប្រជាពលរដ្ឋ ដែលបានផ្តល់ដំណឹងមកកម្លាំងមូលដ្ឋានកងរាជអាវុធហត្ថ ថា នៅចំណុចកើតហេតុខាងលើ មានយុវជនមួយក្រុមកំពុងជួបជុំគ្នាសេពគ្រឿងញៀន។ ក្នុងនោះដែរកម្លាំងកងរាជអាវុធហត្ថ បានធ្វើការចាប់យកវត្ថុតាង មួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកកចំនួន៣៣កញ្ចប់
០២. ថ្នាំញៀនប្រភេទយ៉ាម៉ា ចំនួន០៥គ្រាប់ កន្លះ
០៣. ប្រដាប់ឆ្កឹះសោរ ចំនួន០៤
០៤. ទូរស័ព្ទចំនួន ០៧គ្រឿង
០៥. លុយខ្មែរចំនួន ៣៤ម៉ឺនរៀល
០៦. កាបូបចំនួន០២
០៧. ដាវចំនួន០២
០៨. ស្លាកលេខម៉ូតូចំនួន ០១
០៩. ជញ្ជីងចំនួន០១គ្រឿង
១០. ប្រដាប់ចូលចំនួន០១ និងសម្ភារៈសម្រាប់សេពមួយចំនួន។

ជនសង្ស័យ ត្រូវបានកម្លាំងកងរាជអាវុធហត្ថរាជធានីភ្នំពេញ កំពុងសាកសួរពត៌មានបន្ថែម ដើម្បីកសាងសំណុំរឿង ចាត់ការបន្តតាមនីតិវិធី។