បាត់ដំបងៈ នៅវេលាម៉ោង១៤ និង៣០នាទី ថ្ងៃទី៣១ ខែសីហា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកមោងឫស្សី បានធ្វើការឃាត់ខ្លួនជនសង្ស័យចំនួន០២នាក់ ជាប់ពាក់ព័ន្ធជាមួយករណីលួច ស្ថិតនៅចំណុច ភូមិកាឡោមភ្លុក ឃុំព្រៃស្វាយ ស្រុកមោងឫស្សី ខេត្តបាត់ដំបង។

បន្ទាប់ពីធ្វើការឃាត់ខ្លួនជនសង្ស័យរួចមក កម្លាំងមូលដ្ឋានកងរាជអាវុធហត្ថស្រុកមោងឫស្សី បានបញ្ចូនជនសង្ស័យទៅមូលដ្ឋាន ដើម្បីធ្វើការសាកសួរ។

បន្ទាប់ពីធ្វើការសាកសួររួចមក មន្ត្រីកងរាជអាវុធហត្ថបានប្រាប់ លោកសូដា ភ្នាក់ងារ GRK News ឱ្យដឹងថា ជនសង្ស័យទាំង០២នាក់នោះមានឈ្មោះៈ
០១. រស់ សារឿន ភេទប្រុស អាយុ៣៤ឆ្នាំ មុខរបររត់តាក់ស៊ី ស្នាក់នៅផ្ទះជួលនៅភូមិអូរស្ងួត ឃុំភ្នំធំ ស្រុកមង្គលបូរី ខេត្តបន្ទាយមានជ័យ
០២. ម៉ិញ ស៊ីអិត ភេទប្រុស អាយុ៣២ឆ្នាំ មុខរបរលក់ដូរ ស្នាក់នៅផ្ទះជួលនៅភូមិអូរស្ងួត ឃុំភ្នំធំ ស្រុកមង្គលបូរី ខេត្តបន្ទាយមានជ័យ។

មន្ត្រីកងរាជអាវុធហត្ថដដែលបានបន្តឱ្យដឹងទៀតថា នៅមុខមន្ត្រីកងរាជអាវុធហត្ថ ជនសង្ស័យបានសារភាពថា នៅអំឡុង ខែសីហា ឆ្នាំ២០១៦ នេះពួកគេធ្លាប់បានកាច់ ក ម៉ូតូនៅខេត្តបាត់ដំបង អស់ចំនួន០៣គ្រឿងហើយ និងបានដឹកយកទៅលក់នៅខេត្តកំពង់ឆ្នាំង។
ក្នុងការឃាត់ខ្លួនជនសង្ស័យទាំង០២នាក់នេះផងដែរ កម្លាំងបានធ្វើការចាប់យកវត្ថុតាងពីជនសង្ស័យរួមមានៈ
០១. ម៉ូតូចំនួន០១គ្រឿង
០២.ទូរស័ព្ទចំនួន០២គ្រឿង
០៣. ដែកសម្រាប់កាច់ក ម៉ូតូចំនួន ០១។
ជនសង្ស័យ និងវត្ថុតាង ត្រូវបានកម្លាំងមូលដ្ឋានកងរាជអាវុធហត្ថស្រុកមោងឫស្សី បញ្ចូនទៅ បញ្ជាការដ្ឋានកងរាជអាវុធហត្ថខេត្ត ដើម្បីកសាងសំណុំរឿង ចាត់ការបន្តតាមនីតិវិធី។