ព្រះសីហនុ៖ រសៀលថ្ងៃទី១១ ខែកក្កដា ឆ្នាំ២០២១ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានចាត់តំណាង លោកអនុសេនីយ៍ឯក ម៉ែន វណ្ណា មេបញ្ជាការស្តីទី មូលដ្ឋានកងរាជអាវុធហត្ថស្រុកព្រៃនប់ ចុះជួបសំណេះសំណាល សួរសុខទុក្ខ និងនាំយកនូវថវិកាផ្ទាល់របស់លោកឧត្តមសេនីយ៍ត្រី មេបញ្ជាការ និងនាយទាហាន នាយទាហានរង នៃមូលដ្ឋានកងរាជអាវុធហត្ថស្រុកព្រៃនប់ ទឹកប្រាក់ចំនួន ២,៤០០,០០០រៀល, អង្ករ ចំនួន ០៥បេតូច ស្មើនឹង ១២៥គីឡូក្រាម ចូលរួមបច្ច័យបុណ្យសពលោក ម៉ៅ វ៉ុន (ចូលនិវត្តន៍) អតីតជានាយទាហានរង នៃមូលដ្ឋានកងរាជអាវុធហត្ថស្រុកព្រៃនប់ កងរាជអាវុធហត្ថខេត្តព្រះសីហនុ។