បាត់ដំបង ៖ នៅ ថ្ងៃទី២២ ខែកក្កដា ឆ្នាំ២០២១ ស្ថិតត្រង់ចំណុចភូមិអូរចារ សង្កាត់អូរចារ ក្រុងនិងខេត្តបាត់ដំបង កងរាជអាវុធហត្ថខេត្តបាត់ដំបង បានឃាត់ខ្លួនជនសង្ស័យ ០១នាក់ ឈ្មោះ គង់ សាវឿន ភេទប្រុស អាយុ៥៩ ឆ្នាំមុខរបរធ្វើចំការ មានទីលំនៅភូមិតាគ្រាម ឃុំតាគ្រាម ស្រុកបាណន់ខេត្តបាត់ដំបង ពីបទរំលោភលើទំនុកចិត្ត ប្រព្រឹត្តកាលពីឆ្នាំ២០១៩ តាមបណ្ដឹងរបស់ជនរងគ្រោះឈ្មោះ ណុច ហេងលី ភេទប្រុស អាយុ៥៣ ឆ្នាំមុខរបរមន្ត្រីរាជការ មានទីលំនៅភូមិទួលតាឯក សង្កាត់ទួលតាឯក ក្រុងនិងខេត្តបាត់ដំបង។ ជនសង្ស័យត្រូវបានជំនាញកងរាជអាវុធហត្ថ កសាងសំណុំរឿងចាត់ការបន្តតាមនីតិវិធី។