ក្រចេះ៖ ព្រឹកថ្ងៃទី១១ ខែសីហា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តក្រចេះ លោកវរសេនីយ៍ឯក ម៉ៅ រ៉ាន្នី មេបញ្ជាការរង និងជានាយសេនាធិការ និងលោកវរសេនីយ៍ឯក ឡុង យឹង មេបញ្ជាការរង ទទួលការងារ ស្រាវជ្រាវនិងបង្ក្រាបបទល្មើស អញ្ជើញប្រជុំផ្សព្វផ្សាយស្ដីពី វិធានការគណៈបញ្ជាការដឹកនាំការអនុវត្តច្បាប់ពាក់ព័ន្ធការប្រយុទ្ធប្រឆាំងនឹងជំងឺកូវីដ-១៩ និងការងារស្រាវជ្រាវ គ្រប់គ្រងអ្នកប៉ះពាល់ជាមួយអ្នកវិជ្ជមានជំងឺកូវីដ-១៩ ដោយមានសមាសភាពចូលរួម លោកប្រធានអង្គភាពនរគបាលយុត្តិធម៌ អនុប្រធានមន្ទីរ នាយការិយាល័យ និងមេបញ្ជាការរងមូលដ្ឋានក្រុង។
