កោះកុងៈ ក្រៅពីការងារបង្ការ បង្ក្រាបបទល្មើស ដើម្បីសេចក្តីសុខប្រជាពលរដ្ឋ កម្លាំងកងរាជអាវុធហត្ថខេត្តកោះកុង ក៏តែងតែយកចិត្តទុកដាក់ផងដែរចំពោះការងារមនុស្សធម៌ ជាពិសេសតែងតែ គោរពបទបញ្ជា របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស
ត្រូវតែយកចិត្តទុកដាក់លើសុខទុក្ខរបស់មន្ត្រីក្រោមឱវាទរបស់ខ្លួន ជាក់ស្តែងនៅវេលាម៉ោង១៤ និង៣០នាទីរសៀល ថ្ងៃទី១០ ខែកញ្ញា ឆ្នាំ២០១៦ កម្លាំងកងរាជអាវុធហត្ថខេត្តកោះកុង បាន ចុះជួយ ជុសជុលផ្ទះ ជូនគ្រួសារអាវុធហត្ថដែលជួបការលំបាក ស្ថិតនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។
