កំពង់ចាម៖ នៅថ្ងៃពុធ ទី១៨ ខែសីហា ឆ្នាំ២០២១ លោកវរសេនីយ៍ទោ សែម ហាក់ នាយរងសេនាធិការ តំណាងលោកឧត្ដមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម បានអញ្ជើញដឹកនាំប្រតិភូក្រោមឱវាទចូលរួមពិធីបុណ្យសពជីដូន របស់លោកស្រីព្រឹន្ទបាលឯក ខេន គឹមហ៊ាន់ បុគ្គលិកមន្ទីរស្រាវជ្រាវព័ត៌មានសន្តិសុខកងរាជអាវុធហត្ថខេត្តកំពង់ចាម ដែលបានទទួលមរណភាព នៅថ្ងៃទី១៣ ខែសីហា ឆ្នាំ២០២១ ដោយរោគាពាធ។ ក្នុងឱកាសនោះដែរ លោកនាយរងសេនាធិការ បាននាំយកថវិកានាយ នាយរងកងរាជអាវុធហត្ថខេត្តកំពង់ចាម សរុបចំនួន ៣,០០០,០០០រៀល(បីលានរៀល) ចូលបុណ្យដល់ក្រុមគ្រួសារសព ស្ថិតនៅភូមិស្ដេចនន ឃុំក្រឡា ស្រុកកំពង់សៀម ខេត្តកំពង់ចាម។
