កែប៖ នៅវេលាម៉ោង ១៨ និង ៤០នាទី ថ្ងៃទី២៣ ខែសីហា ឆ្នាំ២០២១ កម្លាំងការិយាល័យប្រឆាំងបទល្មើសគ្រឿងញៀន សហការជាមួយកម្លាំងមូលដ្ឋានកងរាជអាវុធហត្ថក្រុងកែប ដឹកនាំដោយលោកវរសេនីយ៍ឯក អ៊ុក រិទ្ធិស័ក្តិ មេបញ្ជាការរង ទទួលការងារស្រាវជ្រាវនិងបង្ក្រាបបទល្មើស និងដោយមានការអនុញ្ញាតពី លោកឧត្តមសេនីយ៍ត្រី ខេង ទីតូ មេបញ្ជាការ កងរាជអាវុធហត្ថខេត្ត និងមានការសម្របសម្រួលពីព្រះរាជអាជ្ញារងអមសាលាដំបូងខេត្តកំពត កម្លាំងជំនាញបានចុះបង្ក្រាបករណីជួញដូរ និងប្រើប្រាស់គ្រឿងញៀននៅចំណុចខាងត្បូងសួនលំហែវិមានឯករាជ្យ ស្ថិតនៅភូមិកែប សង្កាត់កែប ក្រុងកែប ខេត្តកែប។

ដោយបានឃាត់ខ្លួនជនសង្ស័យ ០១ នាក់ ឈ្មោះ ឡៅ សម្បត្តិ ភេទប្រុស អាយុ ២៤ឆ្នាំ មានស្រុកកំណើតរស់នៅភូមិព្រៃសណ្ដែក ឃុំព្រៃស្លឹក ស្រុកត្រាំង ខេត្តតាកែវ។

សម្ភារៈចាប់យកមានម្សៅក្រាមពណ៌សថ្លាចំនួន ០២កញ្ចប់, ម៉ូតូចំនួន ០១គ្រឿង, ដែកកេះ ០១, អត្តសញ្ញាណប័ណ្ណសញ្ជាតិខ្មែរ ០១, ទុយោសម្រាប់ជក់គ្រឿងញៀន ០១។

បច្ចុប្បន្នការិយាល័យជំនាញបានកសាងសំណុំរឿងតាមនិតិវិធី។