តាកែវ៖ នៅវេលាម៉ោង ១៤និង១០នាទី ថ្ងៃទី២៧ ខែសីហា ឆ្នាំ២០២១ កម្លាំងការិយាល័យប្រឆាំងគ្រឿងញៀនអាវុធហត្ថខេត្តតាកែវ ដឹកនាំដោយលោកអនុសេនីយ៍ទោ ហួត វឿន នាយការិយាល័យ បានចុះបង្រ្កាបករណីជួញដូរគ្រឿងញៀន នៅចំណុចភូមិអង្គក្រូច ឃុំបូរីជលសារ ស្រុកបូរីជលសារ ខេត្តតាកែវ ដោយបានឃាត់ខ្លួនជនសង្ស័យបាន០១នាក់ ឈ្មោះ ស៊ិន ម៉ាប់ ភេទប្រុស អាយុ៣៦ឆ្នាំ មុខរបរមិនពិតប្រាកដ  ជនជាតិខ្មែរ រស់នៅភូមិអង្គក្រូច ឃុំបូរីជលសារ ស្រុកបូរីជលសារ ខេត្តតាកែវ និងចាប់យកវត្ថុតាងម្សៅក្រាមពណ៌សថ្លាចំនួន១៥កញ្ចប់, ទូរស័ព្ទចំនួន០១គ្រឿង, ដែកកេះ០២

ក្រោយស្ដាប់ចម្លើយជនសង្ស័យខាងលើបានសារខ្លួនទិញថ្នាំញៀនពីមនុស្សប្រុស/ស្រី នៅម្ដុំភូមិស្មោង ឃុំស្មោងស្រុកទ្រាំងខេត្តតាកែវ។ កម្លាំងបានចុះឃាត់ខ្លួនជនសង្ស័យបាន០១ ឈ្មោះសន វន់ (ហៅតុង) ប្រុសអាយុ២៦ឆ្នាំ ជនជាតិខ្មែរ រស់នៅភូមិកន្ទួតធំ ឃុំត្រឡាចស្រុកទ្រាំង ខេត្តតាកែវ និងបានចាប់យកវត្ថុតាងទូរស័ព្ទ០១គ្រឿង, ម៉ូតូ០១គ្រឿង។

បច្ចុប្បន្នជនសង្ស័យ និងវត្ថុតាងការិយាល័យជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តតាកែវចាត់ការតាមនីតិវិធី។