ព្រះសីហនុៈ នៅវេលាម៉ោង១៩ និង០០នាទី ល្ងាចថ្ងៃទី១៣ ខែកញ្ញា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងព្រះសីហនុ សហការជាមួយកម្លាំងកងរាជអាវុធហត្ថខេត្តព្រះសីហនុ បានធ្វើការឃាត់ខ្លួន ជនសង្ស័យចំនួន០៤នាក់ ដែលជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន ស្ថិតនៅចំណុច ផ្ទះជួល៧ជាន់ ស្ថិតក្នុងក្រុម១៤ ភូមិ១ សង្កាត់១ ក្រុងព្រះសីហនុ ខេត្តព្រះសីហនុ។
បើតាមប្រភពពត៌មានពី លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានថ្លែងប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថធ្វើការឃាត់ខ្លួននោះរួមមានឈ្មោះៈ
០១. ចាន់ សុភ័ណ្ឌ ភេទប្រុស អាយុ៣២ឆ្នាំ មុខរបរមិនពិតប្រាកដ ទីលំនៅមិនពិតប្រាកដ
០២. មិន សុខន ភេទប្រុស អាយុ២៣ឆ្នាំ មុខរបរ កម្មកររោងចក្រ ទីលំនៅមិនពិតប្រាកដ
០៣. ហន ភារុន ភេទប្រុស អាយុ១៧ឆ្នាំ មុខរបរ កម្មករសំណង់ ទីលំនៅមិនពិតប្រាកដ
០៤. ជា វុទ្ធី ភេទប្រុស អាយុ២៣ឆ្នាំ មុខរបរ មិនពិតប្រាកដ ទីលំនៅមិនពិតប្រាកដ។
លោកមេបញ្ជាការ បានបញ្ជាក់បន្តឱ្យដឹងថាទៀតថា កម្លាំងកងរាជអាវុធហត្ថបានធ្វើការចាប់យកវត្ថុតាង មួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកក ចំនួន០៧កញ្ចប់ ដែលមានទម្ងន់ស្មើ ១៩.៥២ក្រាម
០២. ទូរស័ព្ទចំនួន ០៣គ្រឿង
០៣. ម៉ូតូចំនួន ០១គ្រឿង
០៤. ជញ្ជីងចំនួន០១គ្រឿង
០៥. ដាវ ចំនួន០១ដើម
០៦. ដែកឆាបចំនួន០១ដើម
០៧. ចិញ្ជៀនចំនួន ០១វង់
០៨. ខ្សែក ចំនួន ០១ខ្សែ
០៩. ដែកកេះចំនួន០៣
១០. នាឡិការ ចំនួន០១
១១. លុយខ្មែរចំនួន ៩៦០០០រៀល។
ជនសង្ស័យ និងវត្ថុតាង ត្រូវបានកម្លាំងកងរាជអាវុធហត្ថខេត្តព្រះសីហនុ កំពុងកសាងសំណុំរឿង បញ្ជូនបន្តតាមនីតិវិធី។
