កំពត៖ ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពតនៅវេលាម៉ោង ១៥ និង ៥៧នាទី ថ្ងៃទី០៦ ខែកញ្ញា ឆ្នាំ២០២១ កម្លាំងអាវុធហត្ថខេត្តកំពត និងកម្លាំងមូលដ្ឋាន កងរាជអាវុធហត្ថស្រុកអង្គរជ័យ ដឹកនាំដោយលោកវរសេនីយ៍ឯក សេង វិច្ឆកា មេបញ្ជាការរង កងរាជអាវុធហត្ថខេត្ត បានចុះបង្រ្កាបមុខសញ្ញាជួញដូរគ្រឿងញៀននៅចំណុចចភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត ដោយបានឃាត់ខ្លួនជនសង្ស័យចំនួន០១នាក់ ឈ្មោះ សូរ ប្រាជ្ញ ភេទប្រុស អាយុ៣៦ឆ្នាំ មុខរបរមិនពិតប្រាកដ រស់នៅចំណុចភូមិ ព្រៃផ្ដៅឃុំ ភ្នំកុងស្រុកអង្គរជ័យខេត្តកំពត។ វត្ថុតាងចាប់យករួមមានគ្រឿងញៀនចំនួន ០២កញ្ចប់, ជញ្ជីងថ្លឹងគ្រឿងញៀនចំនួន០១, ថង់វេចខ្ចប់គ្រឿងញៀន០១សម្រាប់ធំ។

ក្នុងពេលឃាត់ខ្លួនជនសង្ស័យសមត្ថកិច្ច បានឲ្យគ្រូពេទ្យធ្វើតេស្តរហ័សរកមេរោគកូវីដ.១៩ (លទ្ឋផលអវិជ្ជមាន)។

បច្ចុប្បន្នជនសង្ស័យ និងវត្ថុតាងការិយាល័យជំនាញ បានកសាងសំណុំរឿងបញ្ជូនទៅអយ្យការអមសាលាដំបូងខេត្ត។