កណ្តាល៖ ព្រឹកថ្ងៃអង្គារ ទី១៤ ខែកញ្ញា ឆ្នាំ២០២១ លោកឧត្តមសេនីយ៍ត្រី សំ តុលា មេបញ្ជការ កងរាជអាវុធហត្ថខេត្តកណ្តាល បានអញ្ជើញចូលរួមគោរពវិញ្ញាណក្ខន្ធសព លោកវរសនីយ៍ត្រី ហាយ សុភាន មេបញ្ជាការ មូលដ្ឋានកងរាជអាវុធហត្ថស្រុកល្វាឯម ដែលបានទទួលមរណភាពដោយរោគាពាធនៅថ្ងៃទី១៣ ខែកញ្ញា ឆ្នាំ២០២១ សពតម្កល់ធ្វើបុណ្យតាមប្រពៃណីព្រះពុទ្ធសាសនា នៅវត្តកៀនស្វាយក្នុង ខណ្ឌច្បារអំពៅ រាជធានីភ្នំពេញ។ ក្នុងឱកាសនោះលោកមេបញ្ជាការ ក៏បាននាំយកនូវសម្ភារៈជាគ្រឿងឧបភោគបរិភោគ និងថវិកាមួយចំនួន ដែលជាមូលនិធិមហាគ្រួសារកងរាជអាវុធហត្ថខេត្តកណ្តាល ជូនដល់គ្រួសារសពផងដែរ។