នៅម៉ោង ១៥ និង ០០នាទី ថ្ងៃទី១៤ ខែកញ្ញា ឆ្នាំ២០២១ នៅភូមិបាឡាត់ ឃុំនរា ស្រុកសង្កែ ខេត្តបាត់ដំបង កម្លាំងជំនាញកងរាជអាវុធហត្ថខេត្តបាត់ដំបង បានឃាត់ខ្លួនជនសង្ស័យ ០១ នាក់ ឈ្មោះ ង៉ែត វណ្ណៈ ភេទប្រុស អាយុ៣៧ឆ្នាំ មុខរបរធ្វើស្រែ ទីលំនៅភូមិបាឡាត់ ឃុំនរា ស្រុកសង្កែ ខេត្តបាត់ដំបង និងបានចាប់យកវត្ថុតាងគ្រឿងញៀនម៉ាទឹកកក ចំនួន ០១កញ្ចប់។ ដោយមានការអនុញ្ញាតពីព្រះរាជអាជ្ញាអមសាលាដំបូងខេត្តបាត់ដំបង កម្លាំងបានបន្តឆែកឆេរលំ នៅដ្ឋានរបស់ជនសង្ស័យ ខាងលើ ដោយចាប់យកវត្ថុតាងទូរស័ព្ទដៃ ០២គ្រឿង, ប្រាក់រៀល ៦៣៤,០០០រៀល, ប្រាក់បាត ១០០ បាត, ប្រាក់ដុល្លារ ១០ដុល្លារ, ដាវ ០១ដើម, ឧបករណ៍ប្រើប្រាស់គ្រឿងញៀន មួយចំនួន, សំបកថង់ផ្លាស្ទិចមានកម្ទេចគ្រឿងញៀន ម៉ាទឹកកក០៥កញ្ចប់។

បច្ចុប្បន្នជនសង្ស័យ និងវត្ថុតាងមន្ត្រីជំនាញកងរាជអាវុធហត្ថខេត្ត បានកសាងសំណុំរឿងតាមនីតិវិធី ។