តាកែវ៖ នៅវេលាម៉ោង ១៣ និង ៣នាទី ថ្ងៃទី១៦ ខែកញ្ញា ឆ្នាំ២០២១ ការិយាល័យជំនាញប្រឆាំងគ្រឿងញៀន សហការជាមួយកម្លាំងមូលដ្ឋាន អាវុធហត្ថស្រុកសំរោង ស្រុកបាទី ដឹកនាំដោយលោកអនុសេនីយ៍ទោ ហួត វឿន នាយការិយាល័យប្រឆាំងគ្រឿងញៀន កងរាជអាវុធហត្ថខេត្ត ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ កម្លាំងបានចុះបង្រ្កាបករណីជួញដូរដោយខុសច្បាប់នូវសារធាតុញៀន នៅត្រង់ចំណុចត្រាំត្បាល់ ឃុំក្រាំងលាវ ស្រុកបាទី ខេត្តតាកែវ ដោយបានឃាត់ខ្លួនជនសង្ស័យបាន០១នាក់ឈ្មោះ វ៉ាត និន ភេទប្រុស អាយុ៣៤ឆ្នាំ មុខរបបមិនពិតប្រាកដក ជនជាតិខ្មែរ រស់នៅភូមិ ឃុំកើតហេតុខាងលើ។

វត្ថុតាងចាប់យកមានម្សៅក្រាមពណ៌សថ្លាចំនួន០២កញ្ចប់, ថង់សម្រាប់ច្រកថ្នាំញៀនមួយចំនួន, ទូរស័ព្ទចំនួន ០១គ្រឿង។

បច្ចុប្បន្នជនសង្ស័យ និងវត្ថុតាងការិយាល័យជំនាញបានកសាងសំណុំរឿងតាមនីតិវិធី។