កណ្តាល ៖ នៅថ្ងៃទី២៤ ខែកញ្ញា ឆ្នាំ២០២១ លោកឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល អញ្ជើញទទួលអំណោយសប្បុរសធម៌ពី ឯកឧត្តម គីម រិទ្ធី និងលោកជំទាវ សុខា គងពិសី ព្រមទាំងកូនៗ បាននាំយកអំណោយដោយផ្ទាល់ ជាអង្ករចំនួន ២០តោន និងទឹកបរិសុទ្ធ អរុណា (ដបធំ ១.៥ល) ចំនួន ១០០០កេសធំ ជូនដល់នាយទាហាន នាយទាហានរង និងពលទាហាន នៃកងរាជអាវុធហត្ថ ខេត្តកណ្តាល។ កម្លាំងម្នាក់ៗទទួលបានអង្ករ ០១បេ (ទម្ងន់៥០គីឡូក្រាម) និងទឹកបរិសុទ្ធ អរុណា (ដបធំ) ចំនួន ០២កេសធំ។ នាឱកាសនោះ លោកមេបញ្ជាការ មានក្តីសោមនស្សរីករាយក្រៃលែងចំពោះ ឯកឧត្តម គីម រិទ្ធី និងលោកជំទាវ សុខា គងពិសី ព្រមទាំងកូនៗ ដែលបានបរិច្ចាគនូវធនធានផ្ទាល់ខ្លួននិងទឹកចិត្តជ្រះថ្លាមិនអាចកាត់ថ្លៃបាន ជូនដល់កងកម្លាំង កងរាជអាវុធហត្ថ ទូទាំងខេត្តកណ្តាល។ ក្នុងនាម នាយទាហាន នាយទាហានរង និងពលទាហាន នៃកងរាជអាវុធហត្ថ ខេត្តកណ្តាល ទាំងមូលសូមថ្លែងអំណរអរគុណនិងជូនពរដល់ឯកឧត្តម គីម រិទ្ធី និងលោកជំទាវ សុខា គងពិសី ព្រមទាំងកូនៗ សូមបានប្រកបដោយពុទ្ធពរទាំង ៤ប្រការ ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។