កំពង់ចាម៖ នៅរសៀលថ្ងៃទី១៧ ខែតុលា ឆ្នាំ២០២១ លោកវរសេនីយ៍ទោ សែម ហាក់ នាយសេនាធិការស្ដីទី តំណាងលោកឧត្ដមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្តកំពង់ចាម បានអញ្ជើញដឹកនាំនាយ នាយរងនៃកងរាជអាវុធហត្ថក្រោមឱវាទចូលរួមពិធីបុណ្យសពជីដូន របស់លោកអនុសេនីយ៍ត្រី ឌឹម ប៊ុនណាត នាយរងការិយាល័យបុគ្គលិកកងរាជអាវុធហត្ថខេត្តកំពង់ចាម ដែលបានទទួលមរណភាព នៅថ្ងៃទី១២ ខែតុលា ឆ្នាំ២០២១ ដោយជរាពាធ។ ក្នុងឱកាសនោះដែរ លោកនាយសេនាធិការស្ដីទី បាននាំយកថវិកានាយ នាយរងនៃកងរាជអាវុធហត្ថខេត្តកំពង់ចាម សរុបចំនួន ៣,០០០,០០០រៀល(បីលានរៀល) ចូលបុណ្យដល់ក្រុមគ្រួសារសព ស្ថិតនៅភូមិក្រូចឆ្មារលើ ឃុំក្រូចឆ្មារ ស្រុកក្រូចឆ្មារ ខេត្តត្បូងឃ្មុំ។