ឧត្តរមានជ័យ៖ ថ្ងៃទី២២ ខែតុលា ឆ្នាំ២០២១ កម្លាំងមូលដ្ឋាន កងរាជអាវុធហត្ថស្រុកបន្ទាយអំពិល ដឹកនាំដោយលោកអនុសេនីយ៍ឯក ឆេង សាវឿន មេបញ្ជាការរង មូលដ្ឋានកងរាជអាវុធហត្ថស្រុកចុះល្បាតនៅចំណុច ភូមិតាមាន់សែនជ័យ ឃុំគោគមន ស្រុកបន្ទាយអំពិល ខេត្តឧត្ដរមានជ័យ ដោយបានឃាត់ខ្លួនជនសង្ស័យម្នាក់ពាក់ព័ន្ធករណីរក្សា ទុក និងប្រើប្រាស់ដោយខុសច្បាប់នូវសារធាតុញៀន។ ជនសង្ស័យមានឈ្មោះ សាន សាន់ ភេទប្រុស អាយុ ២១ឆ្នាំ មុខរបរកសិកររស់នៅ ភូមិតាមាន់សែនជ័យ ឃុំគោគមន  ស្រុកបន្ទាយអំពិល ខេត្តឧត្តរមានជ័យ។

វត្ថុតាងចាប់យករួមមានម្សៅក្រាមពណ៌សរថ្លា(ម៉ាទឹកកក) ចំនួន ១ថង់តូច, ម៉ូតូចំនួន ១គ្រឿង, ទូរស័ព្ទ ១គ្រឿង, ការបូបស្ពាយសម្រាប់ទុកសារធាតុញៀនចំនួន ១។

បច្ចុប្បន្នការិយាល័យជំនាញបានកសាងសំណុំរឿងតាមនីតិវិធី។