សៀមរាបៈ នៅវេលាម៉ោង២៣ និង៤០នាទីយប់ ថ្ងៃទី២១ ខែកញ្ញា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងសៀមរាប សហការជាមួយកម្លាំងកងរាជអាវុធហត្ថខេត្តសៀមរាប បានធ្វើការឃាត់ខ្លួន ជនសង្ស័យចំនួន០៥នាក់ ដែលជាប់ពាក់ព័ន្ធជាមួយករណីរក្សាទុក និងប្រើប្រាស់នូវសារធាតុញៀន ស្ថិតនៅចំណុច ភូមិថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប។
បើតាមប្រភពពត៌មានពី លោកវរសេនីយ៍ទោ ថា ដាលុច មន្ត្រី កងរាជអាវុធហត្ថខេត្តសៀមរាប បាន ប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថធ្វើការឃាត់ខ្លួននោះមានឈ្មោះ ៈ
០១. ផល សិលា ភេទប្រុស អាយុ២២ឆ្នាំ មុខរបរមិនពិតប្រាកដ ទីលំនៅភូមិតាចេក សង្កាត់ជ្រាវ ក្រុង សៀមរាប
០២. ទុយ ខេងឆេងលី ភេទប្រុស អាយុ២៣ឆ្នាំ មុខរបរ មិនពិតប្រាកដ ទីលំនៅភូមិតាចេក សង្កាត់ជ្រាវ ក្រុងសៀមរាប
០៣. សុង សុរឿន ភេទប្រុស អាយុ26ឆ្នាំ មុខរបរបិតស្គុតម៉ូតូ ទីលំនៅភូមិវត្តបូព៌ សង្កាត់សាលាកំរើក ក្រុងសៀមរាប
០៤. ផន សុភាត ភេទប្រុស អាយុ២៣ឆ្នាំ មុខរបរធ្វើស្រែ ទីលំនៅភូមិអំពិលពាម ឃុំខ្នាត ស្រុកពួក ខេត្តសៀមរាប
០៥. ទិត្យ គ្រីន ភេទប្រុស អាយុ១៩ឆ្នាំ មុខរបរធ្វើស្រែ ទីលំនៅភូមិអំពិលពាម ឃុំខ្នាត ស្រុកពួក ខេត្តសៀមរាប។
មន្ត្រីដដែល បានបញ្ជាក់បន្តឱ្យដឹងថាទៀតថា កម្លាំងកងរាជអាវុធហត្ថបានធ្វើការចាប់យកវត្ថុតាង មួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកក ចំនួន០២កញ្ចប់ ដែលមានទម្ងន់ស្មើ ០.៣០ក្រាម
០២. ទូរស័ព្ទដៃចំនួន ០៦គ្រឿង។
ជនសង្ស័យ និងវត្ថុតាង ត្រូវបានកម្លាំងកងរាជអាវុធហត្ថខេត្តសៀមរាប កសាងសំណុំរឿង ដើម្បីបញ្ជូនបន្តតាមនីតិវិធី។
