ឧត្តរមានជ័យ៖ ថ្ងៃទី២៦ ខែតុលា ឆ្នាំ២០២១ កម្លាំងមូលដ្ឋានកងរាជអាវុធហត្ថស្រុកត្រពាំងប្រាសាទ ដឹកនាំដោយលោកវរសេនីយ៍ត្រី កើត ខេមរៈ មេបញ្ជាការស្រុក បានចុះបង្ក្រាបករណីរក្សាទុកចែកចាយ និងប្រើប្រាស់ដោយខុសច្បាប់នូវសារធាតុញៀនស្ថិតនៅភូមិ ទួលតាសេក ឃុំ-ស្រុកត្រពាំងប្រាសាទ ខេត្តឧត្ដរមានជ័យ ដោយបានឃាត់ខ្លួនជនសង្ស័យចំនួន ០១នាក់ឈ្មោះ សាយ ផុន ភេទប្រុស អាយុ ២០ឆ្នាំ មុខរបរកសិករ រស់នៅ ភូមិទួលតាសេក ឃុំ-ស្រុកត្រពាំងប្រាសាទ ខេត្តឧត្តរមានជ័យ។

វត្ថុតាងចាប់យកមានម្សៅក្រាមពណ៌សរថ្លា(ម៉ាទឹកកក)ចំនួន ១ថង់,ទូរស័ព្ទចំនួន ០១គ្រឿង, សម្ភារៈវេចខ្ចប់ និងប្រើប្រាស់សារធាតុញៀនមួយចំនួនទៀត។

បច្ចុប្បន្នជនសង្ស័យ និងវត្ថុតាងការិយាល័យជំនាញបានកសាងសំណុំរឿងតាមនីតិវិធី។