កំពង់ចាម៖ នៅរសៀលថ្ងៃចន្ទ ទី០១ ខែវិច្ឆិកា ឆ្នាំ២០២១ លោកវរសេនីយ៍ទោ សែម ហាក់ នាយសេនាធិការស្ដីទី តំណាងលោកឧត្ដមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម បានអញ្ជើញដឹកនាំនាយ នាយរងនៃកងរាជអាវុធហត្ថក្រោមឱវាទ ចូលរួមពិធីបុណ្យសពគ្រួសារអាវុធហត្ថចំនួន ០២គ្រួសារ។

១.បុណ្យសពឪពុកក្មេក និងម្ដាយក្មេក របស់លោកអនុសេនីយ៍ត្រី ជា ហុកឆាយ ជំនួយការមូលដ្ឋានកងរាជអាវុធហត្ថស្រុកព្រៃឈរ ដែលបានទទួលមរណភាព នៅថ្ងៃទី២៦ ខែតុលា ឆ្នាំ២០២១ ដោយរោគាពាធ។ លោកនាយសេនាធិការស្ដីទី បាននាំយកថវិកានាយ នាយរងកងរាជអាវុធហត្ថខេត្តកំពង់ចាម សរុបចំនួន ៣,២៨០,០០០រៀល ចូលបុណ្យដល់ក្រុមគ្រួសារសព ស្ថិតនៅភូមិទី១០ សង្កាត់កំពង់ចាម ក្រុងកំពង់ចាម ខេត្តកំពង់ចាម។

២,បុណ្យសពជីតារបស់លោកព្រិន្ទបាលឯក លី អៈស្កុល្លានី បុគ្គលិកមន្ទីរកសាងកម្លាំង កងរាជអាវុធហត្ថខេត្តកំពង់ចាម ដែលបានទទួលមរណភាព នៅថ្ងៃទី២៧ ខែតុលា ឆ្នាំ២០២១ ដោយរោគាពាធ។លោកនាយសេនាធិការស្ដីទី បាននាំយកថវិកានាយ នាយរងនៃកងរាជអាវុធហត្ថខេត្តកំពង់ចាម សរុបចំនួន ១,៤៥០,០០០រៀល ចូលបុណ្យដល់ក្រុមគ្រួសារសព ស្ថិននៅភូមិរការក្រោម សង្កាត់សំបួរមាស ក្រុងកំពង់ចាម ខេត្តកំពង់ចាម។