ឧត្តរមានជ័យ៖ នៅថ្ងៃទី១០ ខែវិច្ឆិកា ឆ្នាំ២០២១ កម្លាំងមូលដ្ឋានកងរាជអាវុធហត្ថស្រុកបន្ទាយអំពិល ដឹកនាំដោយលោក អនុសេនីយ៍ឯក ឆេង សាវឿន មេបញ្ជាការរងមូលដ្ឋានកងរាជអាវុធហត្ថស្រុកបន្ទាយអំពិល បានចុះបង្ក្រាបករណីរក្សាទុក និងប្រើប្រាស់ដោយខុសច្បាប់នូវសារធាតុញៀន នៅភូមិតាមាន់សែនជ័យ ឃុំគោកមន ស្រុកបន្ទាយអំពិល  ខេត្ត ឧត្ដរមានជ័យ ដោយបានឃាត់ខ្លួនជនសង្ស័យចំនួន ០១នាក់ ឈ្មោះ ឡាត់ ចូច ភេទប្រុស អាយុ ៣១ឆ្នាំ មុខរបរកសិករ រស់នៅភូមិព្រៃវែង ឃុំគោកមន ស្រុកបន្ទាយអំពិល ខេត្តឧត្តរមានជ័យ។

វត្ថុតាងចាប់យករួមមានម្សៅក្រាមពណ៌សរថ្លា(ម៉ាទឹកកក)ចំនួន ០៣កញ្ចប់តូច, ការបូបដៃសម្រាប់ទុកសារធាតុញៀន ០១, ទូរស័ព្ទ ១គ្រឿង, ម៉ូតូ ១គ្រឿង។

បច្ចុប្បន្នជនសង្ស័យ និងវត្ថុតាងកម្លាំងកងរាជអាវុធហត្ថខេត្តបានកសាងសំណុំរឿងតាមនីតិវិធី។