សៀមរាប៖ អង្គភាពកងរាជអាវុធហត្ថខេត្តសៀមរាប មានការសោកស្តាយ និងទុក្ខយ៉ាងក្រៀមក្រំដោយទទួលដំណឹងថា លោកអនុសេនីយ៍ឯក នង ភ័ស្ត មេបញ្ជាការរង មូលដ្ឋានកងរាជអាវុធហត្ថជីក្រែង បានទទួលមរណៈភាព នៅវេលាម៉ោង ០៣ និង៥៧ព្រឹក ថ្ងៃទី២៤ ខែវិច្ឆិកា ឆ្នាំ២០២១ ដោយរោគាពាធក្នុងជន្មាយុ ៤៩ឆ្នាំ ។

អង្គភាពកងរាជអាវុធហត្ថ មានការសោកស្តាយយ៉ាងក្រៀមក្រំ ចំពោះការបាត់បង់ លោកអនុសេនីយ៍ឯក ពីជួរអង្គភាពកងរាជអាវុធហត្ថ ក្នុងនាមជាមេបញ្ជាការ លោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប បានដឹកនាយ នាយរងអាវុធហត្ថ ទាំងអស់ចូលរួមគោរពវិញ្ញាណខន្ធ លោកអនុសេនីយ៍ឯក នង ភ័ស្តនៅគេហដ្ឋាននៃសព ស្ថិតនៅភូមិកំពង់ក្តី២ ឃុំកំពង់ក្តី ស្រុកជីក្រែងខេត្តសៀមរាប។