បាត់ដំបង៖ នៅវេលាម៉ោង ១៣ និង ២៥នាទី ថ្ងៃទី២៩ ខែវិច្ឆិកា ឆ្នាំ២០២១ កម្លាំងមន្ទីរស្រាវជ្រាវ និងបង្រ្កាបបទល្មើស សហការជាមួយកម្លាំងមូលដ្ឋានកងរាជអាវុធហត្ថស្រុកឯកភ្នំ និងជំនាញជលផលស្រុកឯកភ្នំ ចុះដល់ចំណុចអូរកំបុតស្ថិតក្នុងភូមិព្រែកឆ្តោ ឃុំ ពាមឯក ស្រុកឯកភ្នំ ខេត្តបាត់ដំបង ធ្វើការឃាត់ខ្លួនជនសង្ស័យ ០៨ នាក់ ពាក់ព័ន្ធនឹងការកាប់ទន្ទ្រានដីព្រៃលិចទឹក ដោយបានចាប់យកហូតវត្ថុតាងត្រាត់ទ័រ ០១ គ្រឿង, គោយន្ត ០១ គ្រឿង, ការណូតស្មាច់មានម៉ាស៊ីន ០២ គ្រឿង, ម៉ាស៊ីនការណូត ០១ គ្រឿង     បច្ចុប្បន្នជនសង្ស័យត្រូវបានមន្ត្រីជំនាញកំពុងកសាងសំណុំរឿងតាមនីតិវិធី។