ក្រចេះ៖ នៅ វេលាម៉ោង១១ និង៤០នាទី ថ្ងៃទី២ ខែធ្នូ ឆ្នាំ២០២១ កម្លាំងមូលដ្ឋានកងរាជអាវុធហត្ថក្រុងក្រចេះ ដឹកនាំដោយលោកវរសេនីយ៍ត្រី ទេព ដារ៉ា មេបញ្ជាការក្រុងក្រចេះ បានចុះបង្ក្រាបករណីជួញដូរនូវសារធាតុញៀននៅចំណុចភូមិទី២ សង្កាត់រកាកណ្តាល ក្រុងក្រចេះ ខេត្តក្រចេះ ដោយបានឃាត់ខ្លួនជនសង្ស័យបានចំនួន០១នាក់  ឈ្មោះ ឆេង ទិត្យ ភេទប្រុស អាយុ ៣១ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នរស់នៅភូមិទី២ សង្កាត់រកាកណ្តាល ក្រុងក្រចេះ ខេត្តក្រចេះ និងបានចាប់យកវត្ថុតាងម្សៅក្រាមពណ៌ស(ម៉ាទឹកកក)សង្ស័យជាសារធាតុញៀនចំនួន០៥កញ្ចប់, ទូរស័ព្ទចំនួន០១គ្រឿង, ដែកកេះចំនួន០២, ថង់សម្រាប់ច្រកគ្រឿងញៀនចំនួន០១ដុំ, សម្ភារៈសម្រាប់ជក់គ្រឿងញៀនមួយចំនួន, ថវិកាចំនួន៨០ម៉ឺនរៀល, អត្តសញ្ញាណប័ណ្ណសញ្ជាតិខ្មែរចំនួន០២សន្លឹក។

បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថកំពុងបន្តនីតិវិធី។