អហ ភ្នំពេញ៖ នៅវេលាម៉ោង១០និង៣០នាទី ថ្ងៃទី៣១ ខែសីហា ឆ្នាំ២០១៥ ចំណុចមុខវត្តចក្រអង្រែក្រោម ភូមិទួលរកា សង្កាត់ចក្រអង្រែ​ក្រោមមាន​អំពើលួចគាស់ទ្វារថយន្តត្រូវបានម្ចាស់រថយន្តនិងកម្លាំងអាវុធហត្ថខណ្ឌមានជ័យ ដែលប្រចាំការនៅគោលដៅអគ្គីសនី បានឃាត់ខ្លួន​ជនសង្ស័យម្នាក់ ឈ្មោះ ម៉ា ម៉ាឌី ភេប្រុស អាយុ43ឆ្នាំ មុខរបររត់ម៉ូតូឌុបបានធ្វើសកម្មភាពគាស់ទ្វាររថយន្តខាងលើ។ ជនរងគ្រោះឈ្មោះ ចាន់ នី ភេទប្រុស អាយុ៥៥ឆ្នាំ មុខរបរបុគ្គលិកក្រុមហ៊ុនបារី ជាអ្នកបើកបររថយន្តម៉ាក់Ford ព៍ណស ស្លាកលេខភ្នំពេញ2C1146។ ចាប់យកវត្ថុតាង៖ ម៉ូតូម៉ាកសង់កូរ៉េ ពណ៍ក្រហមមួយគ្រឿង ស្លាកលេខ PP.1AJ2623, កាបូបលុយមួយ, នាឡិកាដៃមួយ, ដែកកាច់សោរមួយ, លុយខ្មែរ១១.៥០០រៀល, ទូរស្ទ័ពដៃមួយគ្រឿង, ចំណែករថយន្តត្រូវបានប្រគល់ឱ្យអ្នកបើកបរវិញ។ ជនសង្សយ័បានសារភាពធ្លាប់គាស់រថយន្តចំនួន៥ ដងនិងធ្លាប់ជាប់គុក៩ខែ។