អហ ភ្នំពេញ៖ នៅវេលាម៉ោង២១និង៣០នាទី យប់ថ្ងៃទី៣១ ខែសីហា ឆ្នាំ២០១៥ មានអំពើឆក់កាបូបមិនបានសម្រេច នៅចំណុចភូមិទ្រា ក្រុម៤ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ ជនរងគ្រោះឈ្មោះ ជា ស្រីល័ក្ខ ភេទស្រី អាយុ ២១ឆ្នាំ មុខរបរធ្វើការក្នុងសណ្ឋាគារ ស្នាក់នៅកន្លែងកើតហេតុខាងលើ។ ជនសង្ស័យមានគ្នា ២នាក់ ជិះម៉ូតូម៉ាក Let’s ពណ៍ឈាមជ្រូក មានស្លាកលេខ ភ្នំពេញ ១CD ៣៦០៣ ក្រោយធ្វើសកម្មភាពមិនបានសម្រេចក៏ផ្តួលម៉ូតូចោលរត់គេចខ្លួន។ កម្លាំងល្បាតអាវុធហត្ថខណ្ឌមានជយ័ បានរុករកប្រហែល៣០នាទី ទើបប្រទះឃើញ ជនសង្ស័យម្នាក់ ឈ្មោះ សុខ ឌីយ៉ា ភេទប្រុស អាយុ១៩ឆ្នាំ ស្នាក់នៅផ្ទះជួលលេខ៣៦ ភូមិ៩ សង្កាត់ផ្សារដេប៉ូ ខណ្ឌទួលគោក រីឯជនសង្ស័យម្នាក់ ទៀតបានរត់គេចខ្លួនបាត់។