តាកែវៈ ជនសង្ស័យចំនួន០២នាក់ ត្រូវបានកម្លាំងមូលដ្ឋានកងរាជអាវុធហត្ថស្រុកព្រៃកប្បាស ធ្វើការឃាត់ខ្លួន ជាប់ពាក់ព័ន្ធជាមួយសារធាតុញៀន។ ការឃាត់ខ្លួននេះធ្វើឡើងនៅវេលាម៉ោង ២១ និង៣០នាទីយប់ ថ្ងៃទី២៧ ខែកញ្ញា ឆ្នាំ២០១៦ ស្ថិតនៅចំណុច ភូមិអង្គក្រសាំង ឃុំព្រៃល្វា ស្រុកព្រៃកប្បាស ខេត្តតាកែវ។

បើតាមប្រភពពត៌មានពីលោកវរសេនីយ៍ត្រី ជុំ ស៊ីប៉ូ មន្ត្រីកងរាជអាវុធហត្ថខេត្តតាកែវ បានប្រាប់ភ្នាក់ងារ GRK News ឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថធ្វើការឃាត់ខ្លួននោះរួមមានឈ្មោះ ៈ
០១. សុខ ដា ភេទប្រុស អាយុ២៧ឆ្នាំ មុខរបបធ្វេីស្រែ រស់នៅភូមិព្រៃល្វាលិច ឃំុព្រៃល្វាស្រុក ព្រៃកប្បាស ខេត្តតាកែវ
០២. វ៉ាន់ មានលី ភេទប្រុស អាយុ៣៥ឆ្នាំ មុខរបរធ្វេីស្រែ រស់នៅភូមិអន្លុងមាស ឃុំព្រៃល្វា ស្រុកព្រៃកប្បាស ខេត្តតាកែវ។

មន្ត្រីដដែល បានបញ្ជាក់បន្តឱ្យដឹងថាទៀតថា កម្លាំងកងរាជអាវុធហត្ថបានធ្វើការចាប់យកវត្ថុតាង មួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកក ចំនួន០២កញ្ចប់ ដែលមានទម្ងន់ស្មើ ០.២៣ ក្រាម
០២. ទូរស័ព្ទចំនួន០២គ្រឿង
០៣. ម៉ូតូចំនួន០១គ្រឿង។
ជនសង្ស័យ និងវត្ថុតាង ត្រូវបានកម្លាំងមូលដ្ឋានកងរាជអាវុធហត្ថស្រុកព្រៃកប្បាស បានកសាងសំណុំរឿង ដើម្បីបញ្ជូនទៅបញ្ជាការដ្ឋានខេត្ត ចាត់ការបន្តតាមនីតិវិធី។