រតនគិរី៖ នៅថ្ងៃទី០៤ ខែមករា ឆ្នាំ២០២២ លោក វរសេនីយ៍ត្រី ហៃ វណ្ណារ៉ា មេបញ្ជាការមូលដ្ឋានកងរាជអាវុធហត្ថក្រុងបានលុង បានដឹកនាំមន្ត្រីក្រោមឱវាទនាំយកអំណោយរួមមាន អង្ករ១ការ៉ុង(៥០គីឡូក្រាម) ទឹកស៊ីអ៊ី ១យួរ ទឹកត្រី១យួរ ទឹកបរិសុទ្ធ១កេស មី ២កេស ស្ករស ១គីឡូក្រាម ប៊ីចេង១គីឡូក្រាម អំបិល១គីឡូក្រាម និងថវិកាមួយចំនួន ដែលសរុបជាទឹកប្រាក់ ចំនួន ៥០០,០០០រៀល ជូនលោកយាយចាស់ជរា ទីទាល់ក្រ ស្នាក់នៅបន្ទប់ជួល ឈ្មោះ ម៉ែន លីម អាយុ ៧៤ ឆ្នាំ និងកូនស្រីម្នាក់នៅក្នុងបន្ទុកដែលកើតជំងឺមហារីក ស្ថិតនៅភូមិ អូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ។